🔹 போலி செய்தி என்றால் என்ன? – உண்மை, பொய் எனப் பிரித்தறிய வேண்டிய அவசியம்
இன்றைய டிஜிட்டல் யுகத்தில் தகவல்கள் மிக வேகமாகப் பரவி வருகின்றன. சமூக வலைதளங்கள் மற்றும் இணைய ஊடகங்கள் மக்களின் அன்றாட வாழ்க்கையின் ஒரு பகுதியாக மாறியுள்ள நிலையில், உண்மை தகவல்களுடன் சேர்ந்து போலி செய்திகள் (Fake News) அதிக அளவில் பரவுவது கவலைக்குரிய விடயமாகியுள்ளது. பலர் அறியாமலேயே இந்த போலி செய்திகளின் வலையில் சிக்கி, அவற்றை மற்றவர்களுடன் பகிர்ந்து விடுகின்றனர். ஆகவே, “போலி செய்தி என்றால் என்ன?” என்பதை தெளிவாகப் புரிந்து கொள்வது அவசியமாகியுள்ளது.
போலி செய்தி என்பது, உண்மை ஆதாரம் இல்லாத அல்லது முழுமையாக தவறான தகவல்களை உண்மை செய்தியைப் போல வெளியிடுவதாகும். சில நேரங்களில் இந்த செய்திகள் முழுவதும் பொய்யாக இருக்கும்; சில சந்தர்ப்பங்களில் உண்மையுடன் பொய்யை கலந்தும் வெளியிடப்படுகின்றன. இதனால் பொதுமக்கள் குழப்பமடைவதோடு, தவறான முடிவுகளை எடுக்கும் நிலையும் உருவாகிறது.
போலி செய்திகளின் ஒரு முக்கிய வடிவம் தவறான தலைப்புகள் (Clickbait) ஆகும். “அதிர்ச்சி தகவல்”, “உடனடியாக படியுங்கள்”, “இதை தெரிந்தால் நீங்கள் நம்ப மாட்டீர்கள்” போன்ற உணர்ச்சியைத் தூண்டும் தலைப்புகள் பயன்படுத்தப்படுகின்றன. இந்த தலைப்புகளைப் பார்த்தவுடன் பலர் செய்தியின் முழு விவரத்தைக் கூட படிக்காமல், அதை உண்மை என நம்பி பகிர்ந்து விடுகின்றனர். ஆனால், செய்தியின் உள்ளடக்கம் தலைப்புக்கு முற்றிலும் மாறுபட்டதாகவோ அல்லது மிகைப்படுத்தப்பட்டதாகவோ இருப்பது பொதுவாகக் காணப்படுகிறது.
அதேபோல், பழைய செய்திகளை புதியவை போல பகிர்தல் என்பதும் போலி செய்திகளின் மற்றொரு ஆபத்தான வடிவமாகும். பல ஆண்டுகளுக்கு முன் நடந்த சம்பவங்கள், பழைய வானிலை எச்சரிக்கைகள், காலாவதியான அரச அறிவிப்புகள் ஆகியவை தற்போதைய சூழ்நிலையில் நடந்தவை போல சமூக வலைதளங்களில் பரப்பப்படுகின்றன. தேதி மற்றும் பின்னணி சரிபார்க்காமல் இதனைப் பார்க்கும் பொதுமக்கள், தேவையற்ற அச்சம் மற்றும் குழப்பத்திற்கு உள்ளாகின்றனர். குறிப்பாக இயற்கை அனர்த்தங்கள் மற்றும் பொருளாதார செய்திகள் இவ்வாறு தவறாகப் பகிரப்படுவது அதிகம்.
மேலும், திருத்தப்பட்ட புகைப்படங்கள் மற்றும் வீடியோக்கள் (Edited / Manipulated Media) போலி செய்திகளின் தாக்கத்தை மேலும் அதிகரிக்கின்றன. தொழில்நுட்ப வளர்ச்சியால், படங்களையும் வீடியோக்களையும் எளிதில் மாற்றி அமைக்க முடியும். ஒரே புகைப்படத்தை வேறு சம்பவத்துடன் தொடர்புபடுத்தி வெளியிடுதல், வீடியோ காட்சிகளை வெட்டி ஒட்டி தவறான அர்த்தம் உருவாக்குதல் போன்ற செயல்கள் பொதுமக்களை ஏமாற்றுகின்றன. காட்சிகள் உண்மை போல தோன்றுவதால், பலர் இதனை சந்தேகிக்காமல் நம்பி விடுகின்றனர்.
சில சமயங்களில், நம்பகமானவர்களாக தோன்றும் சமூக வலைதள கணக்குகள் அல்லது பெயர் தெரியாத இணையதளங்கள் மூலமாகவே இந்த போலி செய்திகள் பரப்பப்படுகின்றன. இதனால் “இது உண்மையாகத்தான் இருக்கும்” என்ற தவறான நம்பிக்கை உருவாகிறது. உண்மையில், எந்த செய்தியையும் அதன் மூலம், தேதி, பின்னணி மற்றும் ஆதாரங்களை சரிபார்க்காமல் நம்புவது ஆபத்தானது.
எனவே, போலி செய்திகளை அடையாளம் காண்பதற்கு விழிப்புணர்வு மிக அவசியம். உண்மை ஆதாரம் இல்லாத தகவல், உணர்ச்சியைத் தூண்டும் தவறான தலைப்பு, பழைய செய்தியை புதியதாகக் காட்டும் முயற்சி மற்றும் திருத்தப்பட்ட புகைப்படங்கள் அல்லது வீடியோக்கள் ஆகியவை போலி செய்திகளின் முக்கிய அடையாளங்களாகக் கருதப்படுகின்றன. இவற்றை புரிந்து கொண்டு செயல்பட்டால், சமூக வலைதளங்களில் பரவும் தவறான தகவல்களிலிருந்து நம்மையும், பிறரையும் பாதுகாக்க முடியும்.
journalist
s.showmini
மேலதிக தகவல்களுக்கு மாற்றம் செய்திகள் இணையத்தளத்தினுள் பிரவேசியுங்கள்.
மேலதிக தகவல்களை உடனுக்குடன் பெற்றுக்கொள்ள மாற்றம் செய்திகள் முகநூல் பக்கத்தை பின்தொடரவும்.
Fake News Spreading on the Internet: How to Identify It? Part – 2
🔹 What is Fake News? – The Need to Distinguish Between Truth and Falsehood
In today’s digital age, information spreads extremely quickly. As social media platforms and online media have become an integral part of daily life, fake news is spreading alongside genuine information, which is a matter of concern. Many people unknowingly fall into the trap of such fake news and share it with others. Therefore, it is essential to clearly understand: “What is fake news?”
Fake news refers to information that has no credible source or is completely false, presented as if it were genuine news. Sometimes, such news is entirely false; at other times, it mixes truth with falsehood. This can confuse the public and lead to poor decision-making.
One major form of fake news is misleading headlines, often called clickbait. Headlines like “Shocking News!”, “Read Immediately!”, or “You Won’t Believe This!” are designed to provoke emotions. Many people, upon seeing such headlines, share the news without even reading the full content, assuming it to be true. However, it is common for the actual content to be completely different from the headline or heavily exaggerated.
Similarly, sharing old news as if it were new is another dangerous form of fake news. Events that happened years ago, outdated weather warnings, or expired government notices are often circulated on social media as if they occurred recently. People who view this information without checking dates or context experience unnecessary fear and confusion. This is especially common with natural disaster updates and economic news.
